Hawl wadeeno ka socda Madasha indheer garadka ee Buurdhaab ayaa socdaal xaal ogaal iyo xog-ururin ah ku soo maray Degmooyinka Gobolka saraar.
Xog-ururintan oo daaranayd sidii wax looga ogaan lahaa xaalada Baahiyaha aas-aasiga ah ee nolosha Bulshada Gobolka saraar waxay ku gaadheen Degmooyinka Wadaamagoo, Caynaba iyo Oog halka qayb labaad oo ka socday Madashu ay gaadheen Degmooyinka War-idaad , Ceelal iyo Dhanaano oo dhamaantood ka tirsan Gobolka Saraar.
Guud ahaan lixda degmo iyo deegaanada hoos yimaada ayey dhalinyarada iyo aqoonyahanka ka socday Madashu ka dhegaysteen warbixinta xaaladaha nololeed ee aas-aasiga ah sida Caafimaadka , Biyaha iyo Waxbarashada, maayirada degmooyinka iyo masuuliyiinta kala duwan ee deeganadaasi ayaa si balaadhan u soo dhaweeyey hawsha iyo shaqada ay Madasha Buurdhaab ku hawlan tahay.
Madasha Buurdhaab ayaa si faah-faahsan u soo bandhigi doonta barnaamijkan marka uu soo dhamaado iyadoo wejigii hore laga soo qabtay qaar ka mida Degmooyin hoos yimaada Gobolka Togdheer dhawaana loogu bixidoono Socdaalkan xaal ogaal ka ah Gobolo kale.
Madasha Buurdhaab ayaa u aas-aasan waxtarka iyo kor u qaadida xaaladaha Bulshada ee dhibaatooyinku ka jiraan taas oo isu xil qaantay horumarinta bulshada deegaano kala duwan oo Somaliland ah.
