Madasha Indheer garadka ee Buurdhaab ee ka shaqaysa horumarinta Arrimaha Bulshada ayaa kulan balaadhan kula qaadatay hotelka plaza ee Burco Macalimiin kala duwan oo ka socday qaar ka mid ah dugsiyada waxbarashada ee Gobolada Togdheer ,Sanaag , Saraar iyo deegano badan oo hoos taga.
Kulanka oo daaranaa is xogwaraysi xaaladda waxbarashada deegaanada kala duwan ee ku yaala goboladaasi, degmooyinka iyo deegano farabadan oo hoos taga , waxa goob joog ka ahaa Gudoomiye ku xigeenka Madasha iyo xubno ka mid ah fulinta sare ee Madasha .
Waxaana ay uga xog warameen Macalimiinta sida ay ugu hawlan yihiin horumarinta iyo wax ka qabashada baahiyaha ka jira dhinaca waxbarashada iyo dhinacyada kale ee Madashu u taagan tahay wax ka qabashadooda , marka la helo xogo rasmi ah oo ku saabsan deeganadaasi.
Dhankooda xubno ka mid ah Macalimiinta ayaa iyaguna u mahadnaqay madasha isu xilqaantay horumarka arrimaha Bulshada, iyagoo faah-faahin dheeraad ah ka bixiyey xaaladaha iyo baahiyaha ka jira goobaha waxbarasho ee ay ka hawl galaan.
Dhawaan ayey madasha Indheer garadka ee Buurdhaab kooxo xog ururin ah u kala dirtay Deegaano ka mid ah Gobolada Bariga Somaliland.
Allaa Mahad leh
